ደብረ ምሕረት ቅዱስ ሚካኤል

ደብራችን ደብረ ምህረት ቅዱስ ሚካኤል ከተመሰረተ አስራ ሁለት አመታት ያስቆጠረ ሲትሆን በእነዚህ አመታት ውስጥ እንደ እግዚአብሔር ፈቃድ የአገልግሎት ዘርፉንም ሆነ የምዕመናንን ቁጥር ከጊዜ ወደጊዜ በማሳደግ አሁን ላለበት ደረጃ ላይ ደርሷል።

ቤተክርስቲያናችን በሰሜን አሜሪካ፤ ካሊፎርኒያ ፣ ኔቫዳ እና አሪዞና ሃገረ ስብከት ውስት ይገኛል። በተለምዶ ቤይ ኤርያ እየተባለ በሚጠራው አካባቢ፣ ከ12 ዓመታት በላይ በኪራይ ስንገለገልበት በነበረው በኦክላንድ ከተማ ውስጥ እግዚአብሔር አምላክ ፈቅዶ የራሳችን የሆነ ህንጻ ቤተ ክርስቲያን ልንገዛ ችለናል።

 

ከላይ እንደገለፅነው በአሁኑ ጊዜ የአገልግልት ዘርፋችንን በይበልጥ ለማሳደግም ሆነ ለማጠናከር ብሎም የተዋህዶ ልጆች በያሉበት ቦታ ሆነው የአገልግሎት ተሳታፊያችን ይሆኑ ዘንድ በማሰብ ይህንን ድረገጽ አዘጋጅተናል።

ስለሆነም በየጊዜው በድረ ገጻችን ላይ በምንለጥፋቸው መንፈሳዊ መልዕክቶች መንፈሳዊ ህይወትዎን እንዲያጎለብቱ እየጋበዝን፤ ለድረ ገጻችን ማደግ በየጊዜው ከምዕመናን የምናገኛቸው አስተያየቶች ጠቃሚ በመሆናቸው እርስዎም የበኩልዎን አስተዋጽኦ እንዲያበረክቱ እንጠይቃለን።

​

በመጨረሻም በሁሉም የእድሜ ክልል ውስጥ ላሉ ምዕመናን የሚሆኑ የተለያዩ መንፈሳዊ ጽሑፎችንና መረጃዎችን ስለምንለጥፍ በድጋሚ መጥተው እንዲጎበኙን እንጋብዛለን።

እግዚአብሔር አገልግሎታችንን ይባርክ!!